ເຈີເກັ້ນ ຄລັອບ ກຸນຊື ລິເວີພູລ ກົ້ມຫນ້າຮັບ ການທີ່ ແມນໆ ຊິຕີ້ ໄດ້ໂຕ ເອີລິງ ຮາແລນ ຖືວ່າເປັນດິລທີ່ຍອດຢ້ຽມສຳຫລັບ “ເຮືອໃບສີຟ້າ” ໂດຍເຖິງຂັ້ນໃຊ້ຄຳວ່າສັດຮ້າຍເພື່ອສື່ເຖິງຮາແລນເລີຍ

ເຈີເກັ້ນ ຄລັອບ ຜູ້ຈັດການທີມ ລິເວີພູລ ສະໂມສອນຍັກໃຫຍ່ແຫ່ງເວທີ ພີເມຍລີກ ອັງກິດ ຍອມຮັບວ່າມັນເປັນການເສີມທັບທີ່ຍອດຢ້ຽມຂອງ ແມນເຊັດເຕີ ຊິຕີ້ ກັບການທີ່ພວກເຂົາໄດ້ ເອີລິງ ຮາແລນ ດາວຍິງ ໂບຣຸສເຊຍ ດອກມູນ ໄປຮ່ວມທັບ

ຮາແລນ ຕົກເປັນຂ່າວກັບຫລາຍທີມຊັ້ນນຳທົ່ວທະວີບເອີຮົບ ຕະຫລອດຊ່ວງຫລາຍເດືອນທີ່ຜ່ານມາ ເພາະຂໍ້ຕົກລົງຂອງເຂົາກັບ ດອກມູນ ມີເງື່ອນໄຂທີ່ຈະເຮັດໃຫ້ເຂົາມີຄ່າຈີກສັນຍາພຽງປະມານຫລາຍກ່ວາ 51 ລ້ານປອນ(ປະມານ 2,142ລ້ານບາດ) ພໍເຖິງວງຊຳເມີນີ້ ໂດຍທີ່ ລິເວີພູລ ກໍ່ເຕີຍເປັນຫນື່ງໃນທີມທີ່ມີຂ່າວກັບດາວເຕະຊາວນໍເວເຊັ່ນກັນ ແຕ່ລ່າສຸດ ແມນໆ ຊິຕີ້ ເຜີຍເອງວ່າບັນລຸຂໍ້ຕົກລົງໃນເບື້ອງຕົ້ນກັບ ດອກມູນ ກ່ຽວກັບການເຊັນສັນຍາກັບ ຮາແລນ ໄດ້ແລ້ວ

ຫລັງຖືກຖາມເຖິງປະເດັນທີ່ ແມນໆ ຊິຕີ້ໄດ້ໂຕ ຮາແລນ ໄປເສີມທັບແລ້ວນັ້ນ ຄລັອບ ກໍ່ຕອບວ່າ “ລາວເປັນນັກເຕະທີີ່ດີ ແຕ່ແນວໃດກໍ່ຕາມ ຊິຕີ້ ຈະບໍ່ມີມື້ເປັນທີມທີ່ຊະນະ ໄດ້ດ້ວຍນັກເຕະພຽງແຕ່ຄົນດຽວ ທີ່ຜ່ານມາພວກເຂົາບໍ່ເຄີຍເປັນແບບນັ້ນອີກ”

Jürgen Norbert Klopp