ຄຣິສເຕຍໂນ່ ໂຣນັລໂດ້ ດາວຍິງສະຕຣາດັງ ແມນເຊັດເຕີ ຢູໄນເຕັດ ໃຫ້ຄຳຫມັ້ນສັນຍາຈະນຳລາງັວນສ່ວນໂຕທີ່ໄດ້ຮັບ ເປັນແຮງກະຕຸ້ນໃຫ້ເກີດຄວາມຢາກໄດ້ໄຊຊະນະແລະນຳຄວາມສຳເລັດມາສູ່ຖິ່ນໂອລ ແທຣຟຟອດ ໃຫ້ໄດ້

ຄຣິສເຕຍໂນ່ ໂຣນັລໂດ້ ກອງຫນ້າຊູເປີສະຕຣາ ແມນເຊັດເຕີ ຢູໄນເຕັດ ປະກາດຮ້ອງປ່າວວ່າຕົນເອງເຕັມໄປດ້ວຍຄວາມໄຝ່ຝັນທີ່ຈະນຳຄວາມສຳເລັດມາສູ່ທັບ “ຜີດສາແດງ” ຫລັງກໍ່ຫາໄດ້ຮັບລາງວັນນັກເຕະຍອດຍ້ຽມ ພີເມຍລີກປະຈຳເດືອນເມສາ

ກັບຕັນທີມຊາດ ໂປຕູເກດ ໂພສຂໍ້ຄວາມລົງທະວິດພ້ອມກັບຮູບພາບທີ່ລາວຖືລາງວັນແຂ້ງຍອດຢ້ຽມ ພີິເມຍລີກ ເດືອນເມສາ ວ່າ”ນີ້ເປັນເທື່ອທີ່ 2 ທີ່ໄດ້ຮັບລາງວັນນັກເຕະຍອດຢ້ຽມປະຈຳເດືອນຂອງ ພີເມຍລີກ ເຊິ່ງເປັນເທື່ອທີ່ 6 ໃນອາຊີບຂອງຂ້ອຍອີກດ້ວຍ”

“ຂ້ອຍມີຄວາມສຸກທີ່ສຸດ ທີ່ໄດ້ຮັບລາງວັນນີ້ຄືກັບເມື່ອກ່ອນທີ່ຂ້ອຍເຄີຍໄດ້ຮັບ ເຊິ່ງຄວາມໄຝ່ຝັນໃນໄຊຊະນະ ແລະຄວາມສຳເລັດບໍ່ເຄີຍຈາງຫາຍໄປ ຂອບໃຈສຳຫລັບທຸກໆຄົນທີ່ເຮັດໃຫ້ສິ່ງນີ້ເປັນໄປໄດ້” ຄຣິສເຕຍໂນ່ ໂຣນັລໂດ້ ລະບຸ

Cristiano Ronaldo