ອະລັງການສຸດໆ ເຄວິນ ເດິ ບອຍ ຈອມທັບທີມ ແມນໆ ຊິຕີ້ ປະກາດສົງຄາມເຕັມຮູບແບບກັບ ລິເວີພູລ ແລ້ວດ້ວຍການກ່າວປະກາດຂໍທຳລາຍຄວາມຝັນ 4 ລາຍການຂອງທີມຄູ່ປັບສຳຄັນໃຫ້ຢຸດຢູ່ພຽງແຊ້ມ ຄາລະບາວຄັບ ໃບດຽວເທົ່ານັ້ນ

ເຖິງຂະນະນີ້ການຊິງຄວາມຍິ່ງໃຫຍ່ໃຫຍ່ໃນຊີຊັ່ນນີ້ 2021/22 ຂອງແມນໆ ຊິຕີ້ ກັບ ລິເວີພູລ ກຳລັງເປັນໄປໄດ້ຢ່າງດຸເດືອດເຜັດຮ້ອນໂດຍ ເປັນ ກວາດິໂອລ່າ ຍາຍໃຫຍ່ເຮືອໃບສີຟ້າ ສົ່ງສັນຍານອອກມາວ່າຕ້ອງການພາທີມ ຄ້ວາແຊ້ມ ຫລັງນຳທັບ ເຮືອໃບບຸກໄປຖະຫລົ່ມ ເຊົາແຮມຕັນ 4-1 ຜ່ານເຂົ້າຮອບຕັດເຊືອກຖ້ວຍ ເອຟເອ ຄັບ ເປັນຜົນສຳເລັດໂດຍທີມຈ່າຝຸງ ພີເມຍລີກ ມີລຸ້ນຄວ້າຖ້ວຍໂທຟີ່ແຊ້ມປ້ຽນລີກ ອີກລາຍການ

ທາງດ້ານຫົງແດງຍັງຄົງຢູ່ໃນເສັ້ນທາງການເຫມົາຄວ້າແຊ້ມ 4 ລາຍການໃນຊີຊັ່ນດຽວ ຂອງເຈີເເກັ້ນ ຄລັອບ ປະສົບກັບຄວາມສຳເລັດດ້ວຍການເປັນເຈົ້າຂອງຖ້ວຍ ຄາລະບາວ ຄັບ ຮຽບຮ້ອຍແລ້ວ ຈົນລ່າສຸກບຸກເອົາຊະນະ ຟໍເຣສ ຜ່ານເຂົ້າຮອບຕັດເຊືອກ ເອຟເອ ຄັບໄດ້ຄືກັນ ປະກົດວ່າທັງສອງທີມຍັກໃຫຍ່ ພີເມຍລີກ ຖືກຈັບສະຫລາກໃຫ້ເຈີກັບເຊິ່ງຫມາຍຄວາມວ່າຈະຕ້ອງມີທີມຫນຶ່ງທີ່ຈະຕ້ອງຮັບຄວາມຜິດຫວັງນັ້ນໄປໃນການຄ້ວາແຊ້ມຢ່າງແນ່ນອນ

ຈົນກະທັ້ງລ່າສຸດມື້ວັນທີ່ 21 ມີນາ ກອງກາງທີມຊາດ ເບລຢ້ຽມ ຂອງຖິ່ນເອຕິຮັດ ສະເຕດ້ຽມ ໄດ້ປະກາດວ່າຈະຢຸດໂອກາດການເຫມົາ 4 ແຊ້ມຂອງ ເຣັດ ແມຊີນ ໃຫ້ໄດ້ເນື່ອງຈາກແມນໆ ຊິຕີ້ ຕ້ອງການຄ້ວາແຊ້ມທີ່ຍັງເຫລືອຢູ່ໃຫ້ຫມັດທັງສາມລາຍການ

“ເຮົາຕ້ອງຊະນະທຸກນັດ ັມນເປັນເປົ້າຫມາຍຂອງເຮົາຕັ້ງແຕ່ເລີ່ມຕັ້ນທຸກຊີຊັ່ນຢູ່ແລ້ວ ເຮົາບໍ່ໄດ້ແຊ້ມ ຄາລາບາວ ຄັບ ແຕ່ເຮົາຍັງມີລຸ້ນອີກສາມລາຍການ”ເດິ ບອຍ ກ່າວ

Kevin De Bruyne