ຖືວ່າເປັນຂ່າວຮ້າຍສຳຫລັບເລົ່າສາວົກ “ເດິ ຄລັອບ” ເພາະລ່າສຸດນັກຂ່າວົງໃນ ລິເວີພູລ ຄອນເຟີມແລ້ວ ຟາບິນໂຍ່ ພາດເກມ ເອຟເອຄັບ ຮອບຊິງຊະນະເລີດໃນມື້ວັນເສົານີ້ ແຖມບໍ່ທັນແນ່ນອນວ່າຈະຟິດທັນເກມຊິງດຳບານ ຢູຟ່າ ແຊ້ມປ້ຽນລີກ ຊ່ວງທ້າຍເດືອນນີ້

ຟາບິນໂຍ່ ກອງກາງຄົນສຳຄັນ ລິເວີພູລ ຈະບໍ່ໄດ້ຊ່ວຍທີມໃນເກມ ເອຟເອຄັບ ຮອບຊິງຊະນະເລີດ ກັບ ເຊລຊີ ວັນເສົາທີ່ 14 ພຶດສະພານີ້ ເນື່ອງຈາກມີບັນຫາການບາດເຈັບກ້າມຊີ້ນ ກົກຂາ ຕາມການລາຍງານຈາກ ພອນ ຈອຍ ຜູ້ສື່ຂ່າວວົງໃນຈາກຮົ້ວ ແອນຟິລ ມື້ວັນພຸດທີ່ 11 ພຶດສະພາ ທີ່ຜ່ານມາ

ດາວເຕະ ເລືອດແຊ້ມບ້າໄວ 28 ປີ ໄດ້ຮັບບາດເຈັບຈາກເກມລີກນັດລ່າສຸດທີ່ “ຫົງແດງ” ບຸກເອົາຊະນະ ແອສຕັນ ວິລລ່າ 2-1 ໃນມື້ວັນອັງຄານ ທີິ10/05/2022 ເຮັດໃຫ້ມີຄວາມເປັນໄປໄດ້ທີ່ຜູ້ກ່ຽວຈະພາດເກມສຳຄັນທີ່ ເວມບລີ ສະເຕດ້ຽມ ທ້າຍອາທິດນີ້

ລ່າສຸດ ຈອຍ ລາຍງານຜ່ານ ເດີ ທາມ ສື່ດັງຂອງເມືອງຜູ້ດີວ່າ ເຈີເກັ້ນ ຄລັອບ ຜູ້ຈັດການທີມ ລິເວີພູລ ຫມົດສິດໃຊ້ງານ ຟາບິນໂຍ່ ໃນເກມ ເອຟເອ ຄັບ ຮອບຊິງຊະນະເລີດແນ່ນອນແລ້ວ ລວມໄປເຖິງ ເກມລີກ ສອງນັດສຸດທ້າຍຂອງລະດູການ ທີ່ຈະດວນກັບ ເຊົາແຮມຕັນ (17 ພຶດສະພາ) ແລະ ວູຟແຮມຕັນ ວັນເດິເຣີ(22 ພຶດສະພາ)

Kevin De Bruyne