ເປັບ ກວາດິໂອລ່າ ນາຍໃຫຍ່ທີມ ແມນໆ ຊິຕີ້ ເປີດສາກແຕະ ລິເວີພູລ ເຂົ້າສະແລ້ວວ່າມີແຕ່ຄົນເຊຍໃຫ້ໄດ້ແຊ້ມ ພີເມຍີລກ ໃນຊີຊັ່ນນີ້ເນື່ອງຈາກ ຫົງແດງ ປະສົບຄວາມສຳເລັດພຽງແຕ່ເທື່ອດຽວເທົ່ານັ້ນ

ກວາດິໂອລ່າ ອົກຮັກ ມາຈາກເກມ ແຊ້ມປ້ຽນ ລີກ ເນື່ອງຈາກຖືກ ເອຕິຮັດ ມາດຣິດ ເຂ່ຍຕົກຮອບຊະນິດຊັອກໂລກ ແຕ່ ເຮືອໃບສີຟ້າ ແກ້ໂຕໄດ້ໃນເກມ ພີເມຍລີກ ນັດເປີດບ້ານບົດໃຫຍ່ ນິວຄາສເຊິ່ນ 5-0 ກັບໄປນຳເປັນຈ່າຝຸງໄດ້ສຳເລັດ ຫລັງຈາກມື້ວັນເສົາ ລິເວີພູລ ເຮັດໄດ້ພຽງຈາວກັບ ສະເປີ ທີ່ ແອນຟິລ 1-1

ແລະທັນໃດນັ້ນຫລັງຈາກຈົບເກມທີ່ ເອຕິຮັດ ສະເຕດ້ຽມ ກວາດິໂອລ່າ ໄດ້ໃຫ້ສຳພາດໃນເຊິງເຍີ້ຍໄປເຖິງທີມຂອງ ເຈີເກັ້ນ ຄລັອບ ວ່າມີແຕ່ຄົນທີ່ເອົາໃຈຊ່ວຍຢາກໃຫ້ໄດ້ແຊ້ມລີກຫລາຍກ່ວາແມນໆ ຊິຕີ້ ເນື່ອງຈາກ ຫົງແດງ ໄດ້ແຊ້ມລາຍການນີ້ພຽງແຕ່ເທື່ອດຽວເທົ່ານັ້ນ

“ທຸກໆຄົນໃນປະເທດນີ້ເຊຍ ລິເວີພູລ ທັ້ງສື່ແລະທຸກຄົນ ເພາະແນ່ນອນວ່າ ລິເວີພູລ ມີປະຫວັດສາດທີ່ຫນ້າທຶ້ງໃນບານເຕະເອີຣົບ ບໍ່ແມ່ນໃນ ພີເມຍລີກ ເພາະພວກເຂົາໄດ້ແຊ້ມເທື່ອດຽວໃນ 30 ປີ ແຕ່ມັນບໍ່ເປັນບັນຫາອັນໃດດອກ” ຜູ້ຈັດການທີມເລືອດກະທິງເວົ້າ

“ຈາກສະຖານະການທີີ່ເປັນຢູ່ ເຮົາຈຳເປັນຕ້ອງໄດ້ 9 ແຕ້ມ ຫລືວ່າອາດຈະ 6 ແຕ້ມໃນຕອນນີ້ມັນຂຶ້ນຢູ່ກັບວ່າຈະເປີດອີຫຍັງຂຶ້ນໃນອີກ 2 ເກມຂ້າງຫນ້າໃນແງ່ຂອງຜົນຕ່າງປະຕູໄດ້ເສຍ ແຕ່ມື້ວັນພຸດນີ້ຈະເປັນມື້ນັດຊິງຊະນະເລີດທີ່ແທ້ຈິງຂອງເຮົາ ເຮົາຈະພະຍາຍາມຊະນະ ໂຊກຊະຕາຢູ່ໃນມືຂອງເຮົາແລະມັນມີຄວາມສຳຄັນ ເຮົາຕ້ອງມາເບິ່ງໂຕເອງ”

Pep Guardiola