ເປັບ ກວາດິໂອລ່າ ກຸນຊືທີມ ແມນໆ ຊິຕີ້ ເວົ້າວ່າຈະພະຍາຍາມເອົາຊະນະ ຄລັອບ ນາຍໃຫຍ່ ລິເວີພູລ ໃຫ້ໄດ້ໃນເກມ ເອຟເອຄັບ ຮອບຮອງຊະນະເລີດຫລັງຈາກທີ່ ເຮືອໃບສີຟ້າ ຖິ້ມໂອກາດໄປຫລາຍຫົນຈົນເຮັດໄດ້ພຽງແຕ່ສະເຫມີກັນກັບ ຫົງແດງ 2-2 ໃນເກມ ພີເມຍລີກ ອັງກິດ ທີ່ ເອຕິຮັດ ສະເຕດ້ຽມ ມື້ວັນອາທິດ ທີ່ 10 ທີ່ຜ່ານມາ

ທີມຈ່າຝຸງ ທີມອັງກິດ ເລີ່ມເກມໄດ້ດີ ແລະແມ່ນວ່າຈະເປັນຝ່າຍນຳຫນ້າທັງສອງຫົນ ແຕ່ກໍປິດຈັບບໍ່ໄດ້ຖືກ ຫົງແດງ ທວງຄືນທັງສອງຄັ້ງ ກ່ອນທີ່ທັງຄູ່ຈະໄດ້ໂມເກືອກກັນອີກໃນວັນທີ່ 16 ເມສາ ທີ່ ເວມບຼີ ເພື່ອຫາທີມທີ່ຊະນະຜ່ານເຂົ້າຮອບໄປຊິງຖ້ວຍນັອກເອົ້າ

“ເຈີເກັ້ນ ຄລັອບ ຮູ້ດີວ່າຂ້ອຍເຄົາລົບລາວຫລາຍພຽງໃດ ເຂົາເຮັດໃຫ້ຂ້ອຍເປັນຜູ້ຈັດການທີມທີ່ດີຂຶ້ນ” ຜູ້ຈັດການທີມຊາວສະແປນິກເວົ້າ

“ເຮົາມີຄວາມເຄົາລົບກັນຢູ່ ລາວຮູ້ດີວ່າວັນເສົາຫນ້າຂ້ອຍຈະພະຍາຍາມເອົາຊະນະລາວໃຫ້ໄດ້ແນ່ນອນ”

man Pep Guardiola- Jürgen Norbert Klopp