ຄາຣິມ ເບນເຊມ່າ ຍອດຫົວຫອກເລືອດນ້ຳຫອມ ຂຶ້ນມາຄອງອັນດັບສອງ ຮ່ວມກັບຕຳນານຢ່າງ ຣາອຸລ ກອນຊາເຊດ ຮຽບຮ້ອຍ ໃນຫມວດດາວຊັນໂວສູງສຸດຕະຫລອດການຂອງ ເຣອັລ ມາດຣິດ ຫລັງຈາກທີ່ຜູ້ກ່ຽວຍິງປະຕູໄດ້ເພີ່ມອີກໃນເກມລ່າສຸດ

ຄາຣິມ ເບນເຊມ່າ ກອງຫນ້າຄົນເກັງ່ ເຣອັລ ມາດຣິດ ຂຶ້ນໄປຢູ່ອັນດັບ 2 ດາວຊັນໂວສູງສຸດຕະຫລອດການຂອງສະໂມສອນ ທີ່ຈຳນວນ 323 ປະຕູ ທຽບເທົ່າກັບ ຣາອູລ ກອນຊາເລດ ຫລັງຈາກທີ່ຍິງ 1 ປະຕູໃນເກມ ລາລີກາ ສະເປນ ໃນນັດລ່າສຸດທີ່ທັບ “ລາຊາຊຸດຂາວ” ເປີດບ້ານຖະຫລົ່ມ ເລບັນເຕ້ 6-0 ມື້ວັນພະຫັດທີ 12 ພຶດສະພາທີ່ຜ່ານມາ

ເທົ່າກັບວ່າ ຕອນນີ້ ເບນເຊມ່າ ເປັນຮອງພຽງແຕ່ ຄຣິສເຕຍໂນ່ ໂຮນັລໂດ້ (450ປະຕູ) ຄົນດຽວເທົ່ານັ້ນ ໂດຍມີ 323 ປະຕູຂອງ ດາວຍິງ ໄວ 34 ປີ ແບ່ງເປັນໃນລີກ 219 ປະຕູ,ໂກມາເດວ ເຣ 21 ປະຕູ, ຢູຟ່າ ແຊ້ມປ້ຽນ ລີກ 74 ປະຕູແລະອື່ນໆອີກ 9 ປະຕູ ເຊິ່ງທັງຫມົດຈາກການລົງຫລິ້ນ 603 ນັດ ໃນເສື້ອ “ລາ່ຊາຊຸດຂາວ”

Karim Benzema