ປໍ ປັອກບາ ກອງກາງທີມ ແມນເຊັດເຕີ ຢູໄນເຕັດ ປະຕິເສດຂໍ້ສະເຫນີຈາກ ແມນເຊັດເຕີ ຊິຕີ້ ສະໂມສອນຄູ່ແຄ້ນທີ່ຕ້ອງການດຶງເຂົາໄປເສີມທັບຢ່າງແນ່ນອນແລ້ວຕາມການລາຍງານສື່ຍັກໃຫຍ່ມື້ວັນທີ 9 ພຶດສະພາ

ປັອກບາ  ຈະຫມົດສັນຍາກັບ ແມນໆ ຢູໄນເຕັດ ໃນຊີຊັ້ນນີ້ ແລະສາມາດຍ້າຍທີມໄດ້ແບບບໍ່ມີຄ່າໂຕໂດຍເຂົາຕົກເປັນທີ່ຕ້ອງການຂອງຫລາຍໆທີມທັງ PSG ສະໂມສອນໃນບ້ານເກີດ ,ເຣອັລ ມາດຣິດ ລວມໄປເຖິງ ຢູເວນຕູສ ອະດີດຕົ້ນສັງກັດໃນ ເຊເຣຍອາ

ນອກຈາກນີ້ ເມື່ອອາທິດກ່ອນມີປານປະໂຄມຂ່າວຢ່າງຄຶກຄື້ນວ່າ ເຮືອໃບສີຟ້າ ສະແດງຄວາາມຕ້ອງການຢາກໄດ້ໂຕດາວເຕະທີມຊາດຝຣັ່ງເສດຄືກັນ ເນື່ອງຈາກ ເປັບ ກວາດິໂອລ່າ ນາຍໃຫຍ່ ເຮືອໃບສີຟ້າ ຢາກໄດ້ດຶງເອົາມິດຟິລທີມຄູ່ແຄ້ນໄປສຽບແທນຕຳແຫນ່ງຂອງ ແຟນາດິນໂຍ່ ມິດຟິວຈອມເກົ໋າ ໄວ 37 ປີຊາວເມືອກາເຟທີ່ຈະອຳລາທີມຫລັງຈົບຊີຊັ່ນນີ້

ຕໍ່ກັບຂ່າວດັງກ່າວສ້າງຄວາມຂ້ອງໃຈໃຫ້ກັບກູລູລູກຫນັງທຸກຄົນບໍ່ເຊື່ອວ່າ ແມນໆ ຊິຕີ້ ຈະຫມາຍປອງເອົາ ປັອກບາ ເຊິ່ງມີຜົນງານທີ່ໂຫດຮ້າຍກັບ ແມນໆ ຢູໄນເຕັດ ແຖມທີມດັງຂອງ ຖິ່ນ ເອຕິຮັດ ສະເຕດ້ຽມ ລ້ວນແຕ່ມີກອງກາງທີ່ມີຝີມືດີກ່ວາມິດຟິລທີມ ຜີແດງ ທັງນັ້ນ

ກະທັ້ງລ່າສຸດ ມື້ວັນທີ່ 9 ແອດເລຕິກ ລາຍງານວ່າໂຕແທນຂອງ ປັອກບາ ເຮັດຫນ້າທີ່ແທນນັກເຕະດ້ວຍການແຈ້ງວ່າລາວບອກປັດທີ່ຈະພິຈາລະນາຂໍ້ສະເຫນີຈາກ ແມນໆ ຊິຕີ້ ແລ້ວແມ່ນວ່າຈະໄດ້ຮັບຄ່າຕອບແທນຢ່າງງາມໂດຍພໍ່ຄ້າແຂ້ງໄວ 29 ປີ ຫວັງເບິ່ງເຖິງໂຕເລືອກອື່ນໆແທນແລະມີແນວໂນ້ມວ່າຈະຍ້າຍອອກຈາກ ພີເມຍລີກ

Paul Pogba