ເປັບ ກວາດິໂອລ່າ ກຸນຊືທີມ ແມນເຊັດເຕີ ຊິຕີ້ ກ່າຍຫນ້າຜາກທຳໃຈຍອມຮັບເຖິງການຕົກຮອບຕັດເຊືອກຖ້ວຍ ແຊ້ມປ້ຽນລີກ ຫລັງພາທີມບຸກມາແພ້ ເຣອັລ ມາດຣິດ ໃນເກມນັດທີ 2 ທີ່ ເບນາເບວ ມື້ວັນພຸດທີ່ 4 ພຶດສະພາ ແມ້ນໂອກາດຈະເປີດກ້ວາງໃຫ້ກັບ ເຮືອໃບສີິຟ້າ ເປັນຢ່າງຫລວງຫລາຍກໍ່ຕາມ

ທີມຈ່າຝຸງ ພີເມຍລີກ ຊິງຄວາມໄດ້ປຽບຈາກເກມທຳອິດເອົາຊະນະ ລາຊາຊຸດຂາວ ໃນບ້ານໄດ້ 4-3 ແລະແມ່ນວ່າມີສະກໍນຳເຈົ້າຖິ່ນກ່ອນອີກໃນຊ່ວງເຄິ່ງຫລັງ ແຕ່ສຸດທ້າຍກັບພິກຕົກຮອບແບບບໍ່ຫນ້າເຊື່ອ ໂດຍກຸນຊືຊາວສະແປນິກ ລະບຸເປັນທຳນອງວ່າບໍ່ແມ່ນເລື່ອງແປກເນື່ອງຈາກບານເຕະເປັນເກມທີ່ຍາກແກ່ການທຳນຍ

“ເຮົາເກືອບເອົາຊະນະຢູ່ແລ້ວ ເຮົາເກືອບແລ້ວແທ້ໆ ແຕ່ສຸດທ້າຍເຮົາກໍ່ບໍ່ໄດ້ເຂົ້າຊິງຊະນະເລີດ” ກວາດິໂອລ່າ ໃຫ້ສຳພາດ 

“ເຮົາຫລິ້ນບໍ່ໄດ້ປານໃດເທົ່າທີ່ເຮົາຫລິ້ນໄດ້ ແຕ່ມັນເປັນເລື່ອງປົກກະຕິຂອງຮອບຕັດເຊືອກ ນັກເຕະຮູ້ສຶກກົດດັນ ບານເຕະເປັນເກມທີ່ຍາກແກ່ການຄາດເດົາ ມັນເປັນເກມແບບນີ້ ເຮົາຕ້ອງຍອມຮັບ”

“ຕອນນີ້ເຮົາຕ້ອງວິເຄາະ ແລະກັບມາໃຫມ່ ເຮົາຍັງມີອີກສີ່ເກມໃຫ້ລົງຫລິ້ນ” ກວາດິໂອລ່າຫມາຍເຖິງເກມ ພີເມຍລີກ ທີ່ເຮືອໃບສີຟ້າ ຍັງມີໂອກາດຄວ້າແຊ້ມ

Pep Guardiola