ຊົນ ຮຶງ ມິນ ກອງຫນ້າທີມ ສະເປີ ເປີດປາກອະທິບາຍແລ້ວວ່າບໍ່ພໍໃຈແທ້ຫລືບໍ່ຫລັງຖືກ ອັນໂຕນິໂອ ຄອນເຕ້ ນາຍໃຫຍ່ປ່ຽນໂຕອອກໃນເກມເປີດບ້ານຖະຫລົ່ມ ອາເຊນ່ອລ 3-0 ມື້ວັນພະຫັດທີ່ 12 ພຶດສະພາ

ຫົວຫອກທີມຊາດເກົາຫລີໃຕ້ຍິງໃຫ້ທີມໃນເກມນີ້ໄດ້ 1 ປະຕູ ຂະນະທີ່ ແຮຣີ່ ເຄນ ເຫມົາ 2 ເມັດ ແຕ່ຫລັງຈາກທີ່ຖືກ ຄອນເຕ້ ປ່ຽນ ໂຕອອກ ຊົນ ກໍ່ສະແດງອາລົມແບບບໍ່ພໍໃຈອອກມາແລະຖືກສື່ສອບຖາມທັນທີຫລັງຈົບເກມ

“ເປັນເລື່ອງດີສະເຫມີທີ່ເຮົາຊະນະແລະໂດຍສະເພາະໃນເກມດາບີ ມັນທີຄວາມຫມາຍຫລາຍ ເຮົາສາມາດບີບຊ່ອງວ່າງໃຫ້ລົດລົງໄດ້ ເກມນີ້ເປັນຄວາມຮູ້ສຶກທີ່ດີທີ່ສຸດ” ຊົນເວົ້າ

ຕໍ່ກັບການສະແດງທ່າທີງຸດງິດຖືກປ່ຽນໂຕອອກນັ້ນ ຊົນຍິງໄດ້ 21 ປະຕູ ແລ້ວ ໃນ ພີເຍລີກ ຕາມຫລັງໂມຮາເຫັມດ ຊາລາ ກອງຫນ້າ ລິເວີພູລ ດາວຊັນໂວ່ ພຽງ ປະຕູດຽວ ເທົ່ານັ້ນຍອມຮັບວ່າ “ແນ່ນອນວ່າຂ້ອຍຢາກຫລິ້ນຕໍ່ ແຕ່ຂ້ອຍຈະເວົ້າອີຫຍັງໄດ້ລະ?” 

“ຂ້ອຍຕ້ອງຍອມຮັບໃນເກມມື້ວັນອາທິດ ດັ່ງນັ້ນມັນຈຶ່ງເປັນແບບນີ້ ຂ້ອຍບໍ່ໄດ້ຄຽດ ຂ້ອຍພຽງ ຜິດຫວັງຂ້ອຍຕ້ອງເດີນຫນ້າຕໍ່ ຂ້ອຍຢາກຫລິ້ນຕໍ່ ເຮົາມີເກມສຳຄັນ ດັ່ງນັ້ນຂ້ອຍຈຶ່ງພ້ອມຟື້ນເພື່ອຮ່າງກາຍແລະທຳໃຫ້ຕົນເອງຊັດຊື່ນອີກຄັ້ງ”

Son Heung-min